| ВЕРШ НА СВАБОДУ-ІІ |
[Mar. 22nd, 2006|02:10 pm] |
ВЕРШ НА СВАБОДУ-ІІ
Калі ад тэленавінаў сьнег выпадае ў асадак,
хоць мала хто сумняваўся ў прагнозах на гэты конт;
калі мэтрапалітэн працуе безь перасадак,
а нехта па тэлевізары ратуе ўласны азадак
з экрана ля дому з надпісам HORIZONT;
калі шмат тысяч мабільнікаў разам лічаць гадзіны,
тым болей ад іх на плошчы ніякай іншай карысьці -
стаяць і чакаць свабоды, бо выбар цяпер адзіны,
у велькім і бардза пажондным - хто б там ні трындзеў! - таварыстве;
абуць на тры пары шкарпэтак цяплейшыя боты,
на злосьць халоднай вайне й атмасфэрнаму фронту,
бо выбар цяпер адзіны - стаяць і чакаць свабоды -
ад лесьвіцы ў стылі ампір да самага HORIZONTу.
Андрэй Хадановіч
Horizont - марка беларускіх тэлевізараў. Вялікія літары HORIZONT гараць на супрацьлеглым баку плошчы, на якой мітынг.
Лесьвіца ў стылі ампір - ступенькі Палаца Прафсаюзаў, ля якога месьціцца палатачны гарадок, кожна пабачыць зьлева на гэтым здымку
via ![[info]](http://l-stat.livejournal.com/img/userinfo.gif) maryjka_
|
|
|
.JPG){kind=link}